Асосий мазмунга ўтиш
Шаҳрисабз Абу Али ибн Сино номидаги жамоат саломатлиги техникуми
Янгиликлар

Инсонга хизмат қилган ҳар бир соҳа муқаддас, инсон соғлиғига хизмат қилган соҳа — улуғроқ

0 кўрилган

Президент Шавкат Мирзиёев шифокор меҳнатининг қадри ҳақида сўз юритиб, маърифатпарвар аллома Абдурауф Фитратнинг сўзларини эслади.

Шунингдек, давлат раҳбари тиббиёт ходимлари учун янги имтиёзларни эълон қилди:

Тизимда камида 15 йил ишлаган ходимларнинг ипотека кредитининг бир қисмини қоплаш учун 50 миллиард сўм ажратилди. Шу имконият орқали келаси йил 1 минг нафар тиббиёт ходими янги уйга кўчиб ўтади.

Бу имконият ёш кадрлар учун ҳам жорий қилинади: ҳар йили 500 нафар ёш тиббиёт ходимининг ипотека кредити бошлангъич бадалининг 25 фоизи қоплаб берилади.

Келгуси йилдан олис ҳудудларда ишлайдиган барча шифокорларнинг ойлик қўшимча устамаси 2 миллион сўмдан 4,5 миллион сўмга оширилади. Бундай ҳудудга ишга кирган шифокорга 50 миллион сўм бир марталик рағбат пули ҳам берилади.

Инсонга хизмат қилган ҳар бир соҳа муқаддас, инсон соғлиғига хизмат қилган соҳа — улуғроқ | Шаҳрисабз Абу Али ибн Сино номидаги жамоат саломатлиги техникуми